Փարիզում հրաձգության հետևանքով կան զոհեր և վիրավորներ
1 րոպեի ընթերցում
![Փարիզում հրաձգության հետևանքով կան զոհեր և վիրավորներ](http://armenpress.am/resized/480/static/news/b/2022/12/1100428.jpg)
ԵՐԵՎԱՆ, 23 ԴԵԿՏԵՄԲԵՐԻ, ԱՐՄԵՆՊՐԵՍ: Փարիզի կենտրոնում 69-ամյա տղամարդը հրաձգություն է սկսել, որի հետևանքով 2 մարդ է մահացել, ևս 4 մարդ՝ վիրավորվել: Այս մասին հաղորդում է «Արմենպրես»-ը՝ վկայակոչելով BBC-ն:
Վիրավորներից երկուսի վիճակը ծայրահեղ ծանր է:
Ոստիկանները ձերբակալել են կասկածյալին՝ առանց նրա կողմից դիմադրության: Հրաձգության շարժառիթի կամ թիրախի մասին առայժմ ոչինչ հայտնի չէ: Նշվում է, որ կասկածյալը ֆրանսիացի է և նախկինում հայտնի է եղել ոստիկանությանը երկու մահափորձերի առնչությամբ:
Ականատեսները հայտնել են, որ 7-8 կրակոց են լսել: Դեպքը տեղի է ունեցել Château d'Eau մետրոյի կայարանի մերձակայքում, որտեղ գտնվում է քրդական մշակութային կենտրոն, մի շարք ռեստորաններ և խանութներ:
Ֆրանսիայի ներքին գործերի նախարար Ժերալդ Դարմանինը մեկնել է դեպքի վայր: