3 րոպեի ընթերցում
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: «Մանկական Եվրատեսիլ 2022» երգի իջազգային մրցույթում, որը տեղի ունեցավ դեկտեմբերի 11-ին Երևանում՝ Կարեն Դեմիրճյանի անվան մարզահամերգային համալիրում, հաղթեց Ֆրանսիայի պատվիրակ Լիսանդրոն Oh Maman! երգով:
«Արմենպրես»-ի հաղորդմամբ՝ մրցույթի ավարտից հետո լրագրողների հետ հանդիպմանը Լիսանդրոն ասաց, որ շատ երջանիկ է հաղթանակի առթիվ: «Հպարտանում եմ իմ թիմով, իմ պարողներով, որոնք իմ ընկերներն են, որոնց հետ ընտանիք ենք: Ես շնորհակալ եմ իմ ընտանիքին ու այն մարդկանց, որոնք ինձ վստահել ու հավատացել են»,-նշեց նա ու հավելեց՝ շատ էր ցանկանում հաղթել մրցույթում:
Նա ընդգծեց, որ հաղթանակի շնորհիվ ավելի առաջ կարող է գնալ: Լիսանդրոն կարծում է՝ իր մրցանակը միայն իրենը չէ, իր թիմինն է, Ֆրանսիայի ժողովրդինն է, այն մարդկանցն է, ովքեր քվերակել են իր օգտին:
Լիսանդրոն ավելի վաղ նշել էր, որ Հայաստանից իր հետ լավաշ է տանելու և հաղթանակ: «Չգիտեմ, թե քանի լավաշ եմ տանելու ինձ հետ: Վստահաբար՝ շատ: Սակայն շատ ոգևորված եմ հատկապես այս մրցանակով»,-շեշտեց երգիչը:
Նա Հայաստանը գեղեցիկ երկիր է ամարում ու սիրում է հայ ժողովրդին, սակայն կարծում է, որ «Մանկական Եվրատեսիլ»-ը այս անգամ պետք է Ֆրանսիա գնար:
Խոսելով մրցությում Հայաստանի ատվիրակ Նարեի ասին՝ երգիչը շեշտեց, որ Նարեին միանգամից է սիրել: Կարծում է, որ նա շատ ավ անձնավորություն է, հրաշալի արտիստ է: Երգիչն ասաց, որ իր մտքում անընդհատ կրկնում է Նարեի Dance երգը: «Հավանում եմ նաև Պորտուգալիայի, Իտալիայի և մյուս պետությունների ներկայացուցիչների կատարումները»,-նշեց Լիսանդրոն՝ բոլոր մասնակիցներին շնորհակալություն հայտնելով դրական էներգիայի ու աջակցության համար:
«Մանկական Եվրատեսիլ» մրցույթի գործադիր ղեկավար Մարտին Օսթերդալը, շնորհավորելով Լիսանդրոյին, ասաց, որ նրա կատարումը հիանալի էր ու փայլել են ամբողջ շաբաթվա ընթացքում:
Հանրային հեռուստաընկերության գործադիր տնօրեն Հովհաննես Մովսիսյանն էլ շնորհավորեց Լիսանդրոյին ու հիշեցրեց, որ 2021-ին Հայաստանի պատվիրակ Մալենան հաղթեց հենց Ֆրանսիայում կայացած մրցությում: «Ստացվեց այնպես, որ մենք մրցույթը վերադարձնում ենք Ֆրանսիա: Ձեր համարն իսկապես հրաշալի էր»,-ասաց նա ու շնորհավորեց նաև մրցույթի մյուս մասնակիցներին, Հայաստանի պատվիրակ Նարեին, որը զբաղեցրեց երկրորդ հորիզոնականը:
20-րդ հոբելյանական «ՄանկականԵվրատեսիլին» մասնակցեցին 16 երկրի ներկայացուցիչներ, որոնց միավորեց «Պտտի՛ր հրաշքը» կարգախոսը: Այս տարվա խորհրդանիշը գունազարդ հոլն է:
Մասնակիցերկրներն էին Ալբանիան, Իռլանդիան, Իտալիան, Իսպանիան, Լեհաստանը, Հայաստանը, Հյուսիսային Մակեդոնիան, Ղազախստանը, Մալթան, Նիդերլանդները, Պորտուգալիան, Սերբիան,Ուկրաինան, Միացյալ Թագավորությունը, Վրաստանը, Ֆրանսիան:
Անժելա Համբարձումյան