Վալերի Պեկրեսը Հարավային Կովկասում կայունության համար անհրաժեշտ է համարում ԼՂ հակամարտության խաղաղ կարգավորումը
1 րոպեի ընթերցում
ԵՐԵՎԱՆ, 6 ԴԵԿՏԵՄԲԵՐԻ, ԱՐՄԵՆՊՐԵՍ: Ֆրանսիական Իլ դը Ֆրանս կենտրոնական շրջանի ղեկավար Վալերի Պեկրեսը հանդիպել է Արցախի Հանրապետության նախագահ Արայիկ Հարությունյանի հետ:
«Արմենպրես»-ի փոխանցմամբ՝ Վալերի Պեկրեսը «Թվիթեր»-ի իր միկրոբլոգում գրել է, որ Արցախի նախագահի հետ հանդիպմանը իր համերաշխությունն ու աջակցությունն է հայտնել Հայաստանի և Լեռնային Ղարաբաղի ժողովուրդներին:
«Հանդիպեցի Արցախի նախագահի հետ: Ես վերահաստատեցի իմ համերաշխությունն ու աջակցությունը Հայաստանի և Լեռնային Ղարաբաղի հայերին: Հարավային Կովկասում կայունության և խաղաղության համար անհրաժեշտ է Լեռնային Ղարաբաղի հակամարտության խաղաղ կարգավորումը»,- գրել է Պեկրեսը՝ հրապարակելով նաև լուսանկարներ Արցախից Ֆրանսիա ժամանած պատվիրակության հետ հանդիպումից: