Թուրքիայի արտգործնախարարը թվիթերյան գրառմամբ շնորհակալություն է հայտնել Արարատ Միրզոյանին

ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի արտգործնախարար Մևլութ Չավուշօղլուն թվիթերյան գրառմամբ շնորհակալություն է հայտնել Հայաստանի Հանրապետության արտգործնախարար Արարատ Միրզոյանին, ով Ստամբուլում նոյեմբերի 13-ին տեղի ունեցած պայթյունի առիթով ցավակցական ուղերձ էր հղել:

Այս մասին, ինչպես հաղորդում է «Արմենպրես»-ը, Չավուշօղլուն գրել է իր թվիթերյան միկրոբլոգում:

«Շնորհակալություն ցավակցական հաղորդագրության համար»,-գրել է Չավուշօղլուն և նշել Արարատ Միրզոյանին:

Thank you for your message of condolences. @AraratMirzoyan https://t.co/FbRKpUPHwm

— Mevlüt Çavuşoğlu (@MevlutCavusoglu) November 14, 2022

Ստամբուլի Բեյօղլու թաղամասի Իսթիքլալ փողոցում նոյեմբերի 13-ին պայթյուն է որոտացել, ինչի հետևանքով մեծ թվով զոհեր և վիրավորներ են գրանցվել: