Armenia Airways ավիաընկերությունը սկսել է Երևան-Կազան-Երևան երթուղով չվերթերը
1 րոպեի ընթերցում
![Armenia Airways ավիաընկերությունը սկսել է Երևան-Կազան-Երևան երթուղով չվերթերը](http://armenpress.am/resized/480/static/news/b/2022/11/1096731.jpg)
ԵՐԵՎԱՆ, 8 ՆՈՅԵՄԲԵՐԻ, ԱՐՄԵՆՊՐԵՍ: Armenia Airways ավիաընկերությունը նոյեմբերի 8-ին սկսել է Երևան-Կազան-Երևան երթուղով չվերթերը:
Ինչպես «Արմենպրես»-ին տեղեկացրին «Արմենիա» միջազգային օդանավակայաններ» ընկերությունից, չվերթերը կիրականացվեն շաբաթական մեկ չվերթ հաճախականությամբ՝ յուրաքանչյուր երեքշաբթի:
«Ավիատոմսերի առկայության, վերջիններիս ձեռքբերման և այլ մանրամասների համար խնդրում ենք այցելել ավիաընկերության կայք՝ armeniaairways.am կամ կապ հաստատել տեղական տուրիստական գործակալությունների հետ»,- ասվում է հաղորդագրության մեջ: