Հայաստանը Արդարադատության միջազգային դատարանին է ներկայացրել Ադրբեջանի կողմից՝ զոհված հայ զինծառայողների պղծման ապացույցներ

ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ: Միջազգային իրավական հարցերով ՀՀ ներկայացուցչի գրասենյակը սեպտեմբերի 19-ին Հայաստանի անունից Արդարադատության միջազգային դատարանին է փոխանցել նամակ՝ Ադրբեջանի կողմից դատարանի համապատասխան որոշման շարունակական խախտումների մասին՝ ներկայացնելով Ադրբեջանի կողմից հայ ռազմագերիների նկատմամբ բռնության և զոհված հայ զինծառայողների պղծման հետագա ապացույցներ:

«Արմենպրես»-ի փոխանցմամբ՝ Միջազգային իրավական հարցերով ՀՀ ներկայացուցչի գրասենյակը տարածած հաղորդագրությամբ, մասնավորապես, տեղեկացրել է.

«Սեպտեմբերի 19-ին Միջազգային իրավական հարցերով ՀՀ ներկայացուցչի գրասենյակը Հայաստանի անունից Արդարադատության միջազգային դատարանին է փոխանցել հաջորդող նամակ՝ Ադրբեջանի կողմից ռասայական խտրականության բոլոր ձևերի վերացման միջազգային կոնվենցիայի շրջանակներում քննվող Հայաստանն ընդդեմ Ադրբեջանի գործով Դատարանի 2021 թվականի դեկտեմբերի 7-ի միջանկյալ միջոց կիրառելու մասին որոշման շարունակական խախտումների մասին՝ ներկայացնելով Ադրբեջանի կողմից հայ ռազմագերիների նկատմամբ բռնության և զոհված հայ զինծառայողների պղծման հետագա ապացույցներ՝ ներառյալ Ադրբեջանի տիրապետության տակ խոշտանգումների և սպանության ենթարկված հայ ռազմագերի Դավիթ Գիշյանի մասին տեղեկությունը: ՀՀ ներկայացուցչի գրասենյակը Դատարանին է ներկայացրել նաև Ադրբեջանում հակահայկական համատարած ատելության պատկերավոր օրինակներ՝ կրկնելով իր հրատապ խնդրանքը՝ Դատարանին միջանկյալ միջոց կիրառելու մասին որոշումը փոփոխության ենթարկելու մասին»:

ՄԱԿ-ի Արդարադատության միջազգային դատարանը դեկտեմբերի 7-ին հրապարակել էր «Հայաստանն ընդդեմ Ադրբեջանի» գործով հրատապ միջոցներ սահմանելու Հայաստանի դիմումի վերաբերյալ որոշումը: Հաագայի դատարանը պահանջել էր Ադրբեջանից կանխել հայերի նկատմամբ ռասայական ատելության տարածումը: Ըստ որոշման առաջին կետի՝ Ադրբեջանը պետք է բռնությունից պաշտպանի 2020 թ. Արցախյան պատերազմի ընթացքում կամ դրա հետևանքով գերության մեջ հայտնված անձանց անվտանգությունը և երաշխավորի նրանց հավասարությունն օրենքի առջև: Միջոցներ ձեռնարկի ծագումով հայերի նկատմամբ ռասայական ատելության տարածումը կանխելու համար, ներառյալ պաշտոնյաների և պետական կառույցների ներկայացուցիչների կողմից: Ձեռնարկի բոլոր անհրաժեշտ միջոցառումները՝ կանխելու և պատժելու վանդալիզմի և պղծման բոլոր գործողությունները, որոնք կատարվել են հայկական մշակութային ժառանգության հանդեպ, այդ թվում՝ եկեղեցիների և պաշտամունքի այլ վայրերի, հուշարձանների, բնության վայրերի, գերեզմանների և այլ արտեֆակտների:

ՀայաստանիՀանրապետությունը 2021թ.սեպտեմբերի 16-ինհայցէրներկայացրելՄԱԿ-իԱրդարադատությանմիջազգայինդատարանինԱդրբեջանիՀանրապետությանդեմ՝ԲաքվինմեղադրելովՌասայականխտրականությանբոլորձևերիվերացմանմիջազգայինկոնվենցիայիդրույթներըխախտելումեջ: