ՊՆ-ն հերքել է Ադրբեջանի սահմանապահ ծառայության հաղորդագրությունը ՀՀ ԶՈւ-ի կողմից դիվերսիոն գործողության փորձի մասին
1 րոպեի ընթերցում
![ՊՆ-ն հերքել է Ադրբեջանի սահմանապահ ծառայության հաղորդագրությունը ՀՀ ԶՈւ-ի կողմից դիվերսիոն գործողության փորձի մասին](http://armenpress.am/resized/480/static/news/b/2022/04/1081438.jpg)
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Հայաստանի Հանրապետության պաշտպանության նախարարությունը հերքել է Ադրբեջանի պետական սահմանապահ ծառայության տարածած հաղորդագրությունը ՀՀ ԶՈւ ստորաբաժանումների կողմից դիվերսիոն գործողության փորձի մասին: «Ադրբեջանի պետական սահմանապահ ծառայության տարածած հաղորդագրությունը ապրիլի 23-ի երեկոյան ՀՀ ԶՈւ ստորաբաժանումների կողմից դիվերսիոն գործողությունների, մասնավորապես` հայ-ադրբեջանական սահմանի հարավ-արևելյան ուղղությամբ Ադրբեջանի ԶՈւ վերահսկողության տակ գտնվող տարածք մուտք գործելու փորձի վերաբերյալ, որևէ կապ չունի իրականության հետ»,- «Արմենպրես»-ի հաղորդմամբ նշված է գերատեսչության տարածած հաղորդագրության մեջ: