363.44
Դեսպան Ենգիբարյանը Բունդեսթագի պատգամավորների հետ քննարկել է տարածաշրջանային հարաբերություններին առնչվող հարցեր
1 րոպեի ընթերցում
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: Գերմանիայում Հայաստանի արտակարգ և լիազոր դեսպան Վիկտոր Ենգիբարյանը Բունդեսթագի պատգամավորների հետ քննարկել է տարածաշրջանային և միջազգային հարաբերություններին առնչվող հարցեր:
«Արմենպրես»-ի հաղորդմամբ՝ Գերմանիայում Հայաստանի դեսպանությունը տեղեկացնում է, որ դեսպան Վիկտոր Ենգիբարյանը ապրիլի 7-ին հանդիպել է ԳԴՀ Բունդեսթագի Ձախեր խմբակցության արտաքին քաղաքականության հարցերով խոսնակ, Բունդեսթագի արտաքին հարաբերությունների մշտական հանձնաժողովի անդամ Գրեգոր Գիզիի հետ: Հանդիպման ընթացքում կողմերը քննարկել են Հայաստանի և Գերմանիայի միջև համագործակցության ընդլայնմանը վերաբերող հարցեր, ինչպես նաև շոշափել են տարածաշրջանային և միջազգային հարաբերություններին առնչվող այլ թեմաներ:
Նույն օրը դեսպան Վիկտոր Ենգիբարյանը հանդիպել է ԳԴՀ Բունդեսթագի ՔԴՄ/ՔՍՄ խմբակցության պատգամավոր Կնուտ Աբրահամի հետ: Հանդիպման օրակարգում եղել են Հայաստանի և Գերմանիայի միջև համագործակցության ընդլայնմանը, ինչպես նաև տարածաշրջանային և միջազգային հարաբերություններին վերաբերող հարցեր:
Բաժանորդագրվեք մեր ալիքին Telegram-ում