Բասկետբոլի կանանց առաջնությունը մոտենում է ավարտին

ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: Շարունակում են ընթանալ Հայաստանի բասկետբոլի կանանց առաջնության եզրափակիչ փուլի հանդիպումները:

«Արմենպրես»-ի հաղորդմամբ` Եզրափակիչ շարքի երկրորդ խաղում միմյանց հետ մրցեցին «Հատիս»-ը և «Երևան Բասկետ»-ը:

«Հատիս»-ը 85-72 հաշվով առավելության հասավ «Երևան Բասկետ»-ի նկատմամբ՝ դիմակայության հաշիվը դարձնելով 1-1:

Եզրափակիչ շարքը կավարտվի այն դեպքում, երբ թիմերից մեկը կգրանցի 2 հաղթանակ:

Հանդիպման ամենաարդյունավետ բասկետբոլիստը Փեյթոն Թեյլորն էր (Հատիս)՝ վաստակած 34 միավորով: Նա նաև 19 անգամ տիրեց օղակից անդրադարձող գնդակին և կատարեց 5 արդյունավետ փոխանցում:

Եզրափակիչի վերջին հանդիպումը տեղի կունենա ապրիլի 7-ին, ժամը՝ 18:30-ին: