ՌԴ խաղաղապահները ռեզերվային ուժեր են առաջ քաշել Փառուխում ադրբեջանական զորքի առաջխաղացումը կասեցնելու համար
1 րոպեի ընթերցում
ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ։ Լեռնային Ղարաբաղում ռուսական խաղաղապահ զորամբի «Տելեգրամ»-ի ալիքը հաղորդագրություն է տարածել՝ հայտնելով, որ Փառուխում ադրբեջանական զինված ուժերի առաջխաղացումը կասեցնելու համար ՌԴ խաղաղապահ կոնտինգենտի հրամանատարությունը որոշում է կայացրել ռեզերվային ուժեր առաջ քաշել։
«Մարտի 24-ին Ադրբեջանի զինված ուժերը Փառուխ բնակավայրի հատվածում անցել են կողմերի միջև շփման գիծը՝ խախտելով եռակողմ հայտարարության 1-ին կետը։ Ռուսական խաղաղապահ կոնտինգենտի հրամանատարությունը որոշում է կայացրելռեզերվային ուժեր առաջ քաշել Ադրբեջանի զորքերի հետագա առաջխաղացումը կասեցնելու համար։ Այս պահին բնակավայրը գտնվում է ՌԴ խաղաղապահ կոնտինգենտի վերահսկողության ներքո»,- ասված է հաղորդագրության մեջ։
«Տելեգրամ» ալիքը ուժերը նշված հատված տանելը փաստող լուսանկարներ է հրապարակել:
