368.54
Ալեն Սիմոնյանը հյուրընկալել է կին բուժաշխատողներին
1 րոպեի ընթերցում
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Կանանց միջազգային տոնին ընդառաջ Հանրապետության նախագահի լիազորությունները կատարող Ալեն Սիմոնյանը հյուրընկալել է մի շարք բուժկենտրոնների միջին և կրտսեր բուժաշխատող կանանց։
Ինչպես «Արմենպրես»-ին հայտնում են նախագահի աշխատակազմից, հանդիսավոր ընդունելությանն Ալեն Սիմոնյանը շնորհակալություն է հայտնել բուժաշխատողներին՝ համավարակի պայմաններում առանց հանգստի, անձնվեր աշխատանք կատարելու համար։
Բուժաշխատողներն Ալեն Սիմոնյանին ներկայացրել են տեղեկություններ այս պահին նոր կորոնավիրուսով վարակված ստացիոնար բուժում ստացողների ընդհանուր վիճակի և բուժկենտրոններում մահճակալային ֆոնդի ծանրաբեռնվածության մասին։ Հյուրերը նաև խոսել են ոլորտային առանձնահատկություններից և խոստացել առաջիկայում հանդես գալ բնագավառի բարելավման առաջարկներով։
Հանդիպման ավարտին Ալեն Սիմոնյանը ևս մեկ անգամ շնորհավորել է կանանց միամսյակի կապակցությամբ՝ մաղթելով գործնական և անձնական ձեռքբերումներ։
Բաժանորդագրվեք մեր ալիքին Telegram-ում