1 րոպեի ընթերցում
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Ուկրաինահայ կիսամիջին քաշային բռնցքամարտիկ Կարեն Չուխաջյանը հաղթել է բրիտանացի Ռայան Մարտինին եւ դարձել IBF Inter-Continental տիտղոսակիր, տեղեկացնում Է «Արմենպրես»-ը՝ հղում անելով AnalitikaUA.net-ին։
Մենամարտը կայացել է նախօրեին Գերմանիայի Կարլսրուե քաղաքում անցկացված Facher Sport Management բռնցքամարտի երեկոյի ժամանակ։ 25-ամյա Կարենը 8-րդ ռաունդում հաղթել է իր մրցակցին տեխնիկական նոկաուտով:
Պարբերականը հիշեցնում է, որ Չուխաջյանը վերջին անգամ մենամարտել է անցած տարվա հուլիսին ՝ հաղթելով Նիկարագուայից Ռոբերտո Արիասին։