1 րոպեի ընթերցում
ԵՐԵՎԱՆ, 3 ՀՈՒՆՎԱՐԻ, ԱՐՄԵՆՊՐԵՍ: Ֆուտբոլի աշխարհի առաջնության կրկնակի չեմպիոն բրազիլացի Ռոնալդոն վարակվել է կորոնավիրուսով:
«Արմենպրես»-ի հաղորդմամբ` բրազիլական «Կրուզեյրո» ֆուտբոլային ակումբի նախագահ, աշխարհի կրկնակի չեմպիոն Ռոնալդոյի կորոնավիրուսի թեստի պատասխանը դրական է եղել: Ըստ ակումբի մամուլի ծառայության, Ռոնալդոն իրեն լավ է զգում և ինքնամեկուսացել է:
Ռոնալդոն Բրազիլիայի հավաքականի կազմում դարձել է 1994 և 2002 թվականների Մունդիալի չեմպիոն: Նա հանդես է եկել ՊՍՎ, «Բարսելոնա», «Ռեալ», «Ինտեր», «Միլան» և այլ ակումբներում: Նա երկու անգամ դարձել է «Ոսկե գնդակ»-ի դափնեկիր: