1 րոպեի ընթերցում
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Պաշտպանության նախարարի տեղակալ Արման Սարգսյանը պնդում է` վերջին ամիսների ռազմական միջադեպերի ժամանակ չկրակելու մասին հրաման որևէ պաշտոնատար անձ չի տվել:
«Արմենպրես»-ի հաղորդմամբ` Ազգային ժողովի պաշտպանության և անվտանգության հարցերի մշտական հանձնաժողովի նիստում այս մասին ասաց ՀՀ պաշտպանության նախարարի տեղակալ Արման Սարգսյանը` պատասխանելով «Հայաստան» խմբակցության պատգամավոր Գեղամ Մանուկյանի հարցին, թե արդյոք եղե՞լ է չկրակելու հրաման:
«Վստահաբար կարող եմ պնդել չկրակելու մասին հրաման որևէ պաշտոնատար անձի կողմից չի տրվել»,- ընդգծեց նախարարի տեղակալը:
Ավելի վաղ, ՀՀ վարչապետ Նիկոլ Փաշինյանն Ազգային ժողովում Կառավարության հարց ու պատասխանի ժամանակ հայտարարել էր, որ չկրակելու մասին հրաման տվողը պետական դավաճան է: