1 րոպեի ընթերցում
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ ազգային ժողովը հոկտեմբերի 27-ի նիստի մեկնարկին մեկ րոպե լռությամբ հարգեց 1999-ի Հոկտեմբերի 27-ի ոճրագործության զոհերի հիշատակը:
«Արմենպրես»-ի հաղորդմամբ՝ նիստի մեկնարկին փոխնախագահ Ռուբեն Ռուբինյանը հիշեցրեց, որ ուղիղ 22 տարի առաջ նույն օրը ԱԺ դահլիճում տեղի է ունեցել ոճրագործություն և առաջարկեց հոտնկայս մեկ րոպե լռությամբ հարգել զոհերի հիշատակը:
Նաիրի Հունանյանը 1999 թվականի հոկտեմբերի 27-ին եղբոր, քեռու և մի քանի այլ անձանց հետ իրականացրել են Հայաստանի Հանրապետության Ազգային ժողովի վրա հարձակումը, որը տեղի է ունեցել հերթական նստաշրջանի կառավարությանը հարց ու պատասխանի ժամանակ՝ կառավարության անդամների ներկայությամբ։ 21 տարի առաջ տեղի ունեցած ահաբեկչությանը զոհ են գնացել 8 պետական գործիչներ` ՀՀ վարչապետ Վազգեն Սարգսյանը, ԱԺ նախագահ Կարեն Դեմիրճյանը, փոխխոսնակներ Յուրի Բախշյանն ու Ռուբեն Միրոյանը, Օպերատիվ հարցերի նախարար Լեոնարդ Պետրոսյանը, պատգամավորներ Արմենակ Արմենակյանը, Հենրիկ Աբրահամյանը եւ Միքայել Քոթանյանը: