Apple-ի համահիմնադիր Սթիվ Վոզնյակը հայտարարել է սեփական տիեզերական ընկերություն ստեղծելու մասին
1 րոպեի ընթերցում
ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Apple ընկերության համահիմնադիր Սթիվ Վոզնյակը հայտարարել Է սեփական Privateer Space տիեզերական ընկերությունն ստեղծելու մասին, տեղեկացնում Է «Արմենպրես»-ը:
«Privateer Space ընկերությունը գործարկվում Է»,-Վոզնյակը գրել Է Twitter-ում՝ ընկերության վերաբերյալ տեսանյութին կից թվիթ հրապարակելով:
YouTube-ի Էջում, որտեղ հրապարակվել Է տեսանյութը, ասվում Է, որ Privateer Space-ը հիմնվել Է Վոզնյակի ու ամերիկացի ինժեներ եւ Ripcord ռոբոտատեխնիկական ընկերության գլխավոր տնօրեն Ալեքս Ֆիլդինգի կողմից: Վոզնյակը խոստանում Է, որ իր ընկերությունը նման չի լինելու մյուսներին:
Նշվում Է, որ Privateer Space-ի պլանների մասին տեղեկատվությունը կներկայացնեն տեխնոլոգիական խորհրդաժողովում, որը, ինչպես սպասվում Է, տեղի կունենա սեպտեմբերի 14-ից մինչեւ 17-ը Հավայներում, հաղորդել Է ՌԻԱ Նովոստին: