Էրիկ Ալեքսանյանը հայտարարեց Արմեն Գևորգյանի շահերի պաշտպանի պարտականությունները դադարեցնելու մասին
1 րոպեի ընթերցում
![Էրիկ Ալեքսանյանը հայտարարեց Արմեն Գևորգյանի շահերի պաշտպանի պարտականությունները դադարեցնելու մասին](http://armenpress.am/resized/480/static/news/b/2021/09/1062543.jpg)
ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: Երևանի ընդհանուր իրավասության դատարանում ՀՀ նախկին փոխվարչապետ Արմեն Գևորգյանի պաշտպան Էրիկ Ալեքսանյանը հայտարարեց Արմեն Գևորգյանի շահերի պաշտպանի պարտականությունները դադարեցնելու մասին:
«Արմեն Գևորգյանի դիրքորոշումը ճշտելուց հետո որոշեցի իմ` որպես Արմեն Գևորգյանի շահերի պաշտպանի պարտականությունները հետայսու դադարեցնել: Իրական կյանքը ցույց տվեց, որ մեր դատավարական հարաբերությունները չեն ստացվում: Դուք (դատավոր Աննա Դանիբեկյան – խմբ.) հակակրանք ունեք իմ նկատմամբ»,- «Արմենպրես»-ի հաղորդմամբ` ասաց Գևորգյանը:
Պաշտպանի խոսքով` դատավորի հակակրանքի հետևանքով խախտվում են Արմեն Գևորգյանի իրավունքները և օրինական շահերը: