1 րոպեի ընթերցում
ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: Լույս աշխարհ է եկել հանրահայտ բռնցքամարտիկ Վիկ (Վախթանգ) Դարչինյանի և նրա կնոջ՝ Ջավահիր Եղիկյանի որդին:
«Արմենպրես»-ի հաղորդմամբ՝ այս մասին գրառում է հրապարակվել զույգի «Ֆեյսբուք»-ի պաշտոնական էջերում:
«Ջավահիրի ցանկությամբ երեխային անվանել են հոր՝ Վախթանգ Դարչինյանի երկրորդ անունով՝ Վիկ»,–նշված է գրառման մեջ։
Վախթանգ Դարչինյանն ու Ջավահիր Եղիկյանն ամուսնացել են 2020-ի հոկտեմբերի 1-ին։