1 րոպեի ընթերցում
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ։ ՀՀ ԶՈւ գլխավոր շտաբի պետ Արտակ Դավթյանը մեկնաբանել է զանգվածային լրատվամիջոցներում՝ Արցախի Հանրապետության անվտանգության խորհրդի նախկին քարտուղար Սամվել Բաբայանի՝ ՀՀ պաշտպանության նախարար նշանակվելու մասին լուրերը։
«Ես նման տեղեկություն չունեմ և դա դուրս է ԳՇ պետի իրավասություններից, այլ մեկնաբանություն չունեմ»,- «Արմենպրես»-ի հաղորդմամբ՝ այս մասին Դավթյանն ասաց լրագրողների հետ զրույցում։
Հարցին, թե առաջիկայում կշարունակի՞, արդյոք, պաշտոնավարել, Դավթյանը պատասխանեց, որ ինքը զինվորական է և ծառայում է մինչև համապատասխան որոշում կայացնելը։
«Նման ինֆորմացիայի ես չեմ տիրապետում»,- նշեց ԳՇ պետը։