1 րոպեի ընթերցում
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Ամերիկյան Amazonընկերությունը պայմանավորվածություն է ձեռք բերել MGM (Metro Goldwyn Mayer) կինոստուդիան 8.45 մլրդ ԱՄՆ դոլարով գնելու հարցում: «Արմենպրես»-ի փոխանցմամբ, այս մասին ասվում է Amazon-ի տարածած հաղորդագրության մեջ:
Նշվում է, որ ընկերությունը չի պատրաստվում փոխել MGM ստուդիայի կոնցեպցիան և աջակցելու է ֆիլմարտադրության աշխատանքներին:
Համաձայնագրով Amazon-ը հնարավորություն կունենա իր Prime Video հարթակում հրապարակել կինոստուդիայի ֆիլմերը, որոնք ավելի քան 4 հազարն են, ինչպես նաև ավելի քան 17 հազար հեռուստատեսային շոուները: Ֆիլմերի շարքում է նաև 007 գործակալ Ջեյմս Բոնդի մասին պատմող հայտնի ֆիլմաշարը: