398.74
Ցեղասպանության ճանաչումը տարածաշրջանում հայ ժողովրդի անվտանգության գրավականներից է. ՀՀ ԱԳՆ-ն ողջունել է Լատվիայի խորհրդարանի հռչակագիրը
1 րոպեի ընթերցում
ԵՐԵՎԱՆ, 6ՄԱՅԻՍԻ, ԱՐՄԵՆՊՐԵՍ:Հայոց ցեղասպանության համընդհանուր ճանաչումը տարածաշրջանում հայ ժողովրդի անվտանգության կարևորագույն գրավականներից է:«Արմենպրես»-ի հաղորդմամբ՝ այս մասին նշված է ՀՀ ԱԳՆ հայտարարության մեջ, որով ՀՀ արտաքին քաղաքական գերատեսչությունը ողջունել է Լատվիայի խորհրդանի կողմից Հայոց ցեղասպանությունը ճանաչող հռչակագրի ընդունումը։
ՀՀ ԱԳՆ-ն հայտարարությամբ Լատվիայի խորհրդանի կողմից Հայոց ցեղասպանությունը ճանաչող հռչակագրի ընդունումը համարել է ևս մեկ քայլ Հայոց ցեղասպանության համընդհանուր ճանաչման և դատապարտման ուղղությամբ:
«Այս հռչակագիրը կարևոր է ոչ միայն պատմական արդարության և ճշմարտության, այլև ապագայում նման հանցագործությունների կանխարգելման տեսակետից: Հայոց ցեղասպանության համընդհանուր ճանաչումը տարածաշրջանում հայ ժողովրդի անվտանգության կարևորագույն գրավականներից է»,- նշել են ՀՀ ԱԳՆ-ում՝ հավելելով, որ կիսում են Լատվիայի խորհրդարանի դիրքորոշումն առ այն, որ նման հանցագործությունների ճանաչումը կոչված է կառուցելու այնպիսի ապագա, որտեղ հարգվում են մարդու իրավունքները, և յուրաքանչյուր անհատ կարող է լինել ազատ, անվտանգ և ապահով։
Բաժանորդագրվեք մեր ալիքին Telegram-ում