2 րոպեի ընթերցում
ԵՐԵՎԱՆ, 19 ԱՊՐԻԼԻ, ԱՐՄԵՆՊՐԵՍ: NASA-ի Ingenuity անօդաչու ուղղաթիռը հաջողությամբ առաջին փորձնական թռիչքն Է կատարել Մարսի վրա: Այդ մասին վկայում Է NASA-ի կայքով իրականացվող հեռարձակումը, տեղեկացնում Է «Արմենպրես»-ը:
«Ingenuity-ը կատարել Է իր առաջին թռիչքը՝ ուժային կայանքով թռչող սարքի առաջին թռիչքը այլ մոլորակի վրա»,-ասվում Է գերատեսչության՝ Twitter-ում զետեղված հաղորդագրության մեջ:
"Ingenuity has performed its first flight — the first flight of a powered aircraft on another planet!"
The data reveals: Our #MarsHelicopter has had a successful first flight:pic.twitter.com/h5a6aGGgHG
— NASA (@NASA) April 19, 2021
Անցկացված փորձարկման մասին տվյալները Երկրի վրա ստացվել են դրա ավարտվելուց իմ քանի ժամ անց: Սկզբում սարքի արձակումը պլանավորվել Էր ապրիլի 8-ից ոչ շուտ, սակայն այն մի քանի անգամ տեղափոխել են:
NASA-ում նշել են, որ ուղղաթիռի պատրաստումը կտեւի շուրջ վեց օր. այդ ժամանակաշրջանում Perseverance մարսագնացը պետք Է դրոնը հասցնի մեկնարկի վայր, իսկ մասնագետներն ստուգեն բոլոր համակարգերի աշխատանքը:
Ապրիլի 9-ին պտուտակների գերարագ պտուտագցման պլանային թեստը ցույց Է տվել, որ հրահանգներն ստացվում են ոչ ճիշտ կարգով, սակայն ինժեներները կարողացել են գտնել խնդրի լուծումը: Ingenuity ուղղաթիռը Մարս Է ժամանել փետրվարին, այն Perseverance-ի առաքելության մի մասն Է: Ինչպես ակնկալում են NASA-ում, այն հետեւելու Է սարքի փորձարկմանը եւ Երկիր Է հաղորդելու թեստային թռիչքի ընթացքում ստացված լուսանկարներն ու այլ տվյալներ, հաղորդել Է ՌԻԱ Նովոստին: