Ըմբիշ Գևորգ Ղարիբյանը լավ մարզավիճակով է մոտենում Օլիմպիական խաղերի վարկանիշային մրցաշարին

ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Հունահռոմեական ոճի ըմբշամարտի հավաքականի անդամ Գևորգ Ղարիբյանը լավ մարզավիճակով է մոտենում Օլիմպիական խաղերի վարկանիշային մրցաշարին:

«Լավ ուսումնամարզական հավաքներից հետո լավ մարզավիճակում եմ: Ճիշտ է նախորդ տարի լավ մարզավիճակում էի և հաղթեցի Եվրոպայի առաջնությունում և հաղթանակի ձգտումը ավելի բարձր էր: Սակայն այս ժամանակահատվածը օգտագործել ենք մարզումների վրա ճիշտ աշխատելով»,-«Արմենպրես»-ի հաղորդմամբ` լրագրողների հետ զրույցում ասաց մարզիկը:

Հունահռոմեական ոճի ըմբշամարտի ընտրանին հետևյալ կազմով կմասնակցի Բուդապեշտի վարկանիշային մրցաշարին` Գևորգ Ղարիբյան (60 կգ), Սլավիկ Գալստյան (67 կգ), Արթուր Շահինյան (87 կգ) և Դավիթ Օվասապյան (130 կգ):

Մրցաշարը կկայանա մարտի 18-21-ը: