Շոու բիզնես

«Կենացդ խմեմ». Իվետա Մուկուչյանի նոր հոլովակն արդեն համացանցում է

1 րոպեի ընթերցում

«Կենացդ խմեմ». Իվետա Մուկուչյանի նոր հոլովակն արդեն համացանցում է

ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: Իվետա Մուկուչյանը երկրպագուներին է ներկայացրել «Կենացդ խմեմ» երգի տեսահոլովակը, որն արդեն համացանցում է:

«Սիրելիներս, ներկայացնում եմ իմ նոր տեսահալովակը. սիրո երգ սիրող սրտերի համար՝ «Կենացդ խմեմ»: Նշեմ, որ այս երգը Արաքսյա Վարդերեսյանի «Էս ով ինձ անիծեց» երգի (cover) տարբերակն է։ Վայելեք գեղեցիկ օր այս գեղեցիկ հնչյունների ներքո»,-«Արմենպրես»-ի հաղորդմամբ՝«Ֆեյսբուք»-ի իր պաշտոնական էջում գրել է երգչուհին:

Գերմանիայում բնակվող երգչուհի, երգահան, մոդել և դերասանուհի Իվետա Մուկուչյանը ծնվել է Երևանում, սակայն 5 տարեկանում տեղափոխվել է Համբուրգ: 2009-ին վերադարձել է Հայաստան և մասնակցել «Հայ սուպերսթար» հեռուստանախագծի չորրորդ եթերաշրջանին՝ զբաղեցնելով 5-րդ հորիզոնականը։ 2012 թվականին մասնակցել է «Գերմանիայի ձայնը» նախագծի երկրորդ եթերաշրջանին։ Նույն տարում «El Style» ամսագիրը նրան ճանաչել է «Ամենացանկալի հայուհի»։

2016 թվականի մայիսին «Սիրո ալիք» երգով ներկայացրել է Հայաստանը «Եվրատեսիլ» երգի միջազգային մրցույթում և գրավել 7-րդ տեղը:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում