Գերմանիայում կորոնավիրուսով երկու կատու է վարակվել
1 րոպեի ընթերցում
![Գերմանիայում կորոնավիրուսով երկու կատու է վարակվել](http://armenpress.am/resized/480/static/news/b/2021/02/1044048.jpg)
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Գերմանիայում կորոնավիրուսով վարակված երկու կատուներ մեկուսացվել են Համբուրգ քաղաքում: Ինչպես փոխանցում է«Արմենպրես»-ը, այս մասին հայտնում է «ՌԻԱ Նովոստի»-ն:
Հաղորդվում է, որ դրանք տնային կատուներ են, ում տիրուհին ավելի վաղ մահացել էր կորոնավիրուսից:
Համբուրգում կենդանիների ապաստարանի գլխավոր անասնաբույժ Ուրտե Ինկմանը հայտնել է, որ կատուների հետ ամեն բան կարգին է: Նա հույս է հայտնել, որ կատուները մյուս շաբաթ դուրս կգան կարանտինից:
Գերմանիայում մինչ օրս կորոնավիրուսով վարակվելու 5 դեպք է գրանցվել կատուների, և ևս 2-ը՝ շների շրջանում: Հետազոտությունները ցույց են տալիս, որ կատուներն ու շները չեն կարող կորոնավիրուսով վարակել մարդկանց, սակայն կարող են նրանցից վարակվել: