1 րոպեի ընթերցում
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Վռճաբեկ դատարանի նախագահի թեկնածու Լիլիթ Թադևոսյանն Ազգային ժողովի «Իմ քայլը» խմբակցության ղեկավար Լիլիթ Մակունցի վրա թողել է դրական տպավորություն:
«Արմենպրես»-ի փոխանցմամբ՝ այս մասին Մակունցն ասաց թեկնածուի ընտրության հարցի քննարկման ընթացքում:
«Ես կիսվեմ իմ տպավորությամբ, որը դրական է, և, կարծում եմ, դատական համակարգը մեծապես շահելու է, եթե դուք ընտրվեք Վճռաբեկ դատարանի նախագահի պաշտոնում»,- ասաց Մակունցը:
Լիլիթ Թադևոսյանը ծնվել է 1978 թ., Երևանում: 1998 թ. ավարտել է Երևանի պետական համալսարանի իրավաբանական ֆակուլտետը, 2001 թ.՝ ասպիրանտուրան, 2017 թվականից իրավաբանական գիտությունների դոկտոր, պրոֆեսոր է: 2018 թ. առ այսօր զբաղեցնում է Վճռաբեկ դատարանի քրեական պալատի նախագահի պաշտոնը: Վճռաբեկ դատարանի նախագահի պաշտոնում Լիլիթ Թադևոսյանի թեկնածությունն առաջադրել է Բարձրագույն դատական խորհուրդը: