Բավրա-Նինոծմինդա անցակետը վերսկսել է աշխատանքը

ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Հայ-վրացական սահմանի Բավրա-Նինոծմինդա անցակետը փետրվարի 7-ի ժամը 10։00-ից վերսկսել է իր աշխատանքը, և սահմանը հատելու թույլտվություն ունեցող անձինք, Սադախլոյի անցակետից զատ, այսուհետև կարող են օգտվել նաև Բավրա-Նինոծմինդա անցակետից։ «Արմենպրես»-ն այս մասին տեղեկացավ Վրաստանում Հայաստանի դեսպանության «Ֆեյսբուք»-ի էջի գրառումից։

«Անցակետը կգործի ժամը 10։00-ից մինչև 18։00-ն ընկած ժամանակահատվածում։

Նշենք, որ անցակետով բեռնատարների երթևեկն շարունակվում է իրականացվել շուրջօրյա ռեժիմով։

Միաժամանակ տեղեկացնենք, որ ՀՀ քաղաքացիների մուտքը Վրաստան հնարավոր է միայն վակցինացիայից հետո (երկու դեղաչափ), իսկ Վրաստանի քաղաքացիները Հայաստան կարող են մուտք գործել միայն Վրաստանի պատկան մարմինների կողմից տրված ելքի հատուկ թույլտվության պարագայում»,- նաև նշված է գրառման մեջ։

‼️Հայտարարություն‼️ Տեղեկացնում ենք, որ հայ-վրացական սահմանի Բավրա-Նինոծմինդա անցակետն այսօր ժամը 10։00-ից վերսկսել է...

Опубликовано Վրաստանում Հայաստանի դեսպանություն - Embassy of Armenia to GeorgiaВоскресенье, 7 февраля 2021 г.