1 րոպեի ընթերցում
ԵՐԵՎԱՆ, 28 ՀՈՒՆՎԱՐԻ, ԱՐՄԵՆՊՐԵՍ: Clocker հայկական ռոք խումբը երկրպագուների դատին է հանձնել «Ազատություն» երգը: Երգի անիմացիան, որի հեղինակը Վահրադ Մելիքջանյանն է, արդեն համացանցում է:
«Արմենպրես»-ի հաղորդմամբ՝ ստեղծագործությունը խմբի «+-=» ալբոմից է, որը կթողարկվի առաջիկայում:
«Ինչպես խոստացել էինք. նոր երգի պրեմիերան։ Վայելեք, տարածեք, հայտնեք ձեր կարծիքը։ Հետևի՛ր մեզ՝ թարմ նորություններ ստանալու համար»,- գրել են խմբի անդամները «Ֆեյսբուքի» պաշտոնական էջում:
Clocker խմբի հիմնադիրն Ալբերտ Իսահակյանն է, որը նաև Clocker-ի երգերի խոսքերի հեղինակն ու կատարողն է: Խմբի անդամներն ապրում ու ստեղծագործում են Վանաձորում, սակայն հաճախ են հանդես գալիս Երևանի ակումբներում:
Երաժշտասերների լայն շրջանակին ծանոթ են խմբի «Անկյուն», «Մնա», «Արևին», «Չզարմանաս», «Գլխով՝ փափուկ ասֆալտին» և մի շարք այլ գործեր: