Կաննի կինոփառատոնը կանցկացվի հուլիսին

ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Կաննի միջազգային կինոփառատոնը, որի անցկացումը նախատեսված էր մայիսին, այս տարի տեղափոխվել է հուլիսի 6-17-ը:

«Արմենպրես»-ի փոխանցմամբ՝ այս մասին հայտնում է ՌԻԱ Նովոստին:

«Կաննի միջազգային կինոփառատոնը, որն ի սկզբանե նախատեսված էր անցկացնել մայիսի 11-22-ը, այս տարի կիրականացվի հուլիսի 6-ից 17-ը»,- ասված է կազմակերպիչների տարածած հաղորդագրությունում: