1 րոպեի ընթերցում
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ։ Սփյուռքի գլխավոր հանձնակատարի գրասենյակը տեղեկացնում է, որ Սփյուռքից Հայաստան հասնող հումանիտար օգնությունը կանգ չի առնում: «Արմենպրես»֊ի հաղորդմամբ, հանձնակատարի գրասենյակը հայտնում է, որ Ավստրալիայից մինչև Գերմանիա, Ռուսաստան և Կանադա համայնքային բազմաթիվ նախաձեռնություններ են իրագործվում արցախցի ընտանիքներին և վիրավոր զինծառայողներին աջակցելու համար:
«Սփյուռքի միասնականությունը պատերազմի ընթացքում և հետպատերազմյան շրջանում շարունակվում է բոլոր համայնքներում»,֊ասված է հաղորդագրությունում: