Իլհամ Ալիևն իր կեղծ պնդումներով փորձել է ապակողմնորոշել Իրանի նախագահի հատուկ բանագնացին
1 րոպեի ընթերցում
![Իլհամ Ալիևն իր կեղծ պնդումներով փորձել է ապակողմնորոշել Իրանի նախագահի հատուկ բանագնացին](http://armenpress.am/resized/480/static/news/b/2020/10/1033221.jpg)
ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի նախագահ Իլհամ Ալիևը նախօրեին Բաքվում Իրանի նախագահի հատուկ բանագնաց Աբբաս Արաղչիի հետ հանդիպմանը, անդրադառնալով Արցախի պատմամշակութային և կրոնական ժառանգությանը, միտումնավոր կեղծ պնդումներ է արել՝ նշելով, թե Արցախի տարածքում գտնվող մշակութային և կրոնական կոթողները, մասնավորապես, մզկիթները գտնվում են ավերված վիճակում:
«Արմենպրես»-ի հաղորդմամբ, ըստ փորձագետների, զարմանալի չէ, որ Ադրբեջանը, Շուշիի Ղազանչեցոց եկեղեցին երկու անգամ միտումնավոր հրթիռակոծելուց հետո, խոսում է պատմամշակութային ժառանգության պաշտպանության մասին:
Ադրբեջանի ղեկավարին թերևս պետք է հիշեցնել, որ ի տարբերություն Բաքվի իշխանությունների, որոնց որոշմամբ Բաքվի կենտրոնում 2017 թ․ քանդվեց 19-րդ դարի մզկիթներից մեկը, Արցախի իշխանությունների անմիջական ջանքերով 2019թ․ ամբողջությամբ վերակառուցվեց և վերանորոգվեց Շուշիի մզկիթը: