ՊԵԿ-ը հորդորում է հիփոթեքի համար եկամտահարկի գումարների դիմումները ներկայացնել էլեկտրոնային

ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Պետական եկամուտների կոմիտեն քաղաքացիներին դարձյալ հորդորում է հիփոթեքային վարկի սպասարկման համար վճարված գումարների չափով վճարված եկամտային հարկի գումարների վերադարձման դիմումը, ինչպես նաև ֆինանսական կազմակերպություններից ստացած տեղեկանքը հարկային մարմին ներկայացնել բացառապես էլեկտրոնային եղանակով: «Արմենպրես»-ի փոխանցմամբ՝ ՊԵԿ-ն այս մասին հաղորդագրություն է տարածել:

«Կորոնավիրուսի (COVID-19) տարածմամբ պայմանավորված` ստորագրված ու սկանավորված դիմումը և տեղեկանքը պետք է ուղարկել ձեռք բերված կամ կառուցվող անշարժ գույքի հասցեն սպասարկող սպասարկման բաժնիէլեկտրոնային հասցեին(ցանկալի է նույնաբովանդակ տեղեկատվությունը ներկայացնել մեկ անգամ): Նշենք, որ հարկ վճարողների սպասարկման բաժինների էլեկտրոնային հասցեները հրապարակվել են դեռևս հունիսին և տեղադրվել ՊԵԿ պաշտոնական կայքում:

Բացառություն են առաջին անգամ ներկայացվող դիմումները: Այս դեպքում՝ ՀՀ կառավարության որոշմամբ հաստատված կարգով պահանջվող փաստաթղթերն անհրաժեշտ է ներկայացնելփոստային ծառայության միջոցով:

Հաշվի առնելով այն հանգամանքը, որ գործընթացնիրականացվելու է բացառապես հեռահար, աշխատանքներն ավելի արդյունավետ կազմակերպելու նպատակով` առաջարկվում է վերոնշյալ դիմումը ներկայացնել այն դեպքում, երբ.

1․ առկա է ֆինանսական կազմակերպությունների կողմից տրամադրվածտոկոսագումարների վերաբերյալ ստորագրված և սկանավորված տեղեկանքը(պարտադիր ստուգել վճարված գումարի ճշտությունը),

2․ գործատուների կողմից եկամտային հարկի և սոցիալական վճարի` տվյալ եռամսյակին վերաբերող ամսական հաշվարկներըներկայացված են և վճարված։

Համավարակով պայմանավորված՝ ՊԵԿ-ը կոչ է անում հնարավորինս հետևել սահմանափակումներին և հորդորում՝ փաստաթղթերը հարկային մարմին ներկայացնել բացառապես էլեկտրոնային եղանակով կամ անհրաժշետության դեպքում՝ փոստային առաքմամբ:

Պետական եկամուտների կոմիտեն վստահեցնում է, որ բոլոր դիմումներն առանց խնդիրների ստացվում և ժամանակին ուսումնասիրվում են: Ուստի հարկային մարմնի սպասարկման սրահների աշխատանքային ծանրաբեռնվածությունը հաշվի առնելով` հեռախոսազանգերի միջոցով գումարի վերադարձման վերաբերյալ տեղեկատվություն ստանալու համար նորից դիմելու անհրաժեշտություն չկա: ՊԵԿ-ը հավաստիացնում է` գումարները կվերադարձվեն հնարավորինս արագ»,- ասված է հաղորդագրության մեջ։

Ստորև ներկայացվում են ՊԵԿ հարկ վճարողների սպասարկման վարչության սպասարկման բաժինների էլեկտրոնային հասցեները և դիմումների օրինակելի ձևերը:

Հավելված N1

ՀՀ ֆինանսների նախարարի

2015թ. ապրիլի 2-ի N 184-Ն հրամանի

Ձև N ԵՀՎ1

___________________________________

(տարածքային) հարկային տեսչություն

ԴԻՄՈՒՄ

Վարկառուի (համավարկառուի) վճարած եկամտային հարկի վերադարձի

Խնդրում եմ 20___ թվականի ____________ հաշվետու ժամանակատվածում հիպոթեքային վարկի սպասարկման համար իմ կողմից վճարված տոկոսների դրամով նշված գումարի չափով վերադարձնել եկամտային հարկի գումարները`

Վարկառուի (համավարկառուի) անունը,

ազգանունը և ստորագրությունը) _____________________________________________

ՀՀ ԿԱ ՊԵԿ նախագահի

2018թ. ապրիլի 20-ի N 278-Ա հրամանի

Ձև N ԵՀՎ1

ՀՀ ՊԵԿ աշխատակազմի հարկ վճարողների սպասարկման

վարչության թիվ _________ սպասարկման բաժին

ԴԻՄՈՒՄ

2018 թվականի հունվարի 1-ից հետո ստացված և փաստացի բնակարան կամ անհատական բնակելի տուն ձեռք բերելուն, կամ անհատական բնակելի տուն կառուցելուն ուղղված հիփոթեքային վարկերի վարկառուի (համավարկառուի)

վճարած եկամտային հարկի վերադարձի

Խնդրում եմ 20___ թվականի ________________ հաշվետու ժամանակատվածում «____» «____» 20___թ. N_______________________ պայմանագրով ստացված հիփոթեքային վարկի սպասարկման համար հաշվեգրված և իմ կողմից վճարված տոկոսների դրամով նշված գումարի չափով վերադարձնել եկամտային հարկի գումարները`

Վարկառուի (համավարկառուի) անունը,

ազգանունը և ստորագրությունը _____________________________ ____________________

ՊԵԿ հարկ վճարողների սպասարկման վարչության սպասարկման բաժինների էլեկտրոնային հասցեները