Ռազմական համալսարանի կուրսանտները երդվել են անձնվիրաբար ծառայել, հավատարիմ լինել զինվորական կոչմանը
1 րոպեի ընթերցում
![Ռազմական համալսարանի կուրսանտները երդվել են անձնվիրաբար ծառայել, հավատարիմ լինել զինվորական կոչմանը](http://armenpress.am/resized/480/static/news/b/2020/08/1025941.jpg)
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ։ Վազգեն Սարգսյանի անվան ռազմական համալսարանում օգոստոսի 25-ին տեղի է ունեցել կուրսանտների երդման հանդիսավոր արարողությունը։ Կուրսանտները երդվել են անձնվիրաբար ծառայել ու հավատարիմ լինել զինվորական կոչմանը։ Ռազմական համալսարանի կուրսանտ դառնալու կապակցությամբ նրանց շնորհավորել ու ուսումնառության մեջ հաջողություններ է մաղթել Վազգեն Սարգսյանի անվան ռազմական համալսարանի պետ Խաչատուր Խաչատրյանը։
Ինչպես«Արմենպրես»-ին տեղեկացրին ՀՀ ՊՆ տեղեկատվության և հասարակայնության հետ կապերի վարչությունից, նախքան երդման արարողությունը կուրսանտները մասնակցել են Երիտասարդ մարտիկի մեկամսյա դասընթացին, որի ընթացքում ձեռք են բերել առաջնային նշանակության ռազմական գիտելիքներ։