Հայ-ադրբեջանական սահմանին ամբողջ օրը օպերատիվ վիճակը եղել է համեմատաբար հանգիստ․Արծրուն Հովհաննիսյան
1 րոպեի ընթերցում
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ։ Հայ-ադրբեջանական սահմանին ամբողջ օրը օպերատիվ վիճակը եղել է համեմատաբար հանգիստ։ «Արմենպրես»-ի հաղորդմամբ՝ այս մասին հուլիսի 17-ի երեկոյան մամուլի ասուլիսում հայտնեց Ճգնաժամային տեղեկատվական կենտրոնի պաշտոնական ներկայացուցիչ Արծրուն Հովհաննիսյանը:
«Քիչ են եղել կրակոցները: Դրանք եղել են միայն հրաձգային զենքերից»,- ասաց Հովհաննիսյանը։
Արծրուն Հովհաննիսյանը նշեց, որ այցելել է զորամասերից մեկը և արձանագրել, որ զորքի և հրամատարարության մարտական ոգին բարձր է, լիովին տիրապետում են իրավիճակին։
«Տեսնում են ամբողջովին հակառակորդի բոլոր ոտնձգությունները, շարժերը, և եթե կատարվի որևէ սադրանք, ապա կստանա արժանի հակահարված»,- ասաց Հովհաննիսյանը։