Պատգամավորը պատմել է, թե ինչից է իրականում վախենում Իլհամ Ալիևը

3 րոպեի ընթերցում

ԵՐԵՎԱՆ, 7 ՀՈՒԼԻՍԻ, ԱՐՄԵՆՊՐԵՍ։ «Իմ քայլը» խմբակցության պատգամավոր Տաթևիկ Հայրապետյանն անդրադարձել է Ադրբեջանի նախագահ Իլհամ Ալիևի Հայաստանի մասին հայտարարությանը։ Ինչպես տեղեկացնում է «Արմենպրես»-ը, Հայրապետյանը «Ֆեյսբուք»-ի իր էջում գրել է, որ գրեթե ամբողջությամբ կրկնելով նախորդ ելույթի հիմնական դրույթները՝ Ալիևը որոշել է «վախկոտ» անվանել Հայաստանի երրորդ նախագահ Սերժ Սարգսյանին, ով իր բոլոր թերություններով հանդերձ, գտել է ուժ անարյուն հեռանալ իշխանությունից՝ ժողովրդի ճնշման ներքո:

«17 տարի իշխանությունը հորից ժառանգած բռնապետ Ալիևը «վախկոտ» է համարում այն քաղաքական գործչին, ով չհանդգնեց երրորդ անգամ ղեկավարել երկիրը և հեռացավ խաղաղ, ոչ բռնի հեղափոխության արդյունքում: Փաստացի, նավթային բռնապետի համար ժողովրդի կամքը հաշվի առնելը, ժողովրդի ճնշումներին ենթարկվելը և իշխանությունը ժողովրդին թողնելը «վախկոտություն» է: Հետևաբար, ալիևյան «քաջության» դրսևորումը իր ցմահ իշխանությունն է և դինաստիական կառավարումը, որի տապալման ուղղված ամենաչնչին փորձերն անգամ խեղդվում են արյան և բռնաճնշումների մեջ: Նա իր ժողովրդին կոչ է անում երբեք իրեն չզրկել իշխանությունից և «վախկոտ» չդարձնել

Անդրադառնալով վերջին 2 տարիներին Հայաստանում ստեղծված իրականությանը՝ Ալիևը իրավական գործընթացները կրկին ներկայացնում է «քաոսի» տեսքով՝ քաջ գիտակցելով, որ եթե Ադրբեջանում մի օր հաղթի ժողովրդավարությունը և ձևավորվի լեգիտիմ կառավարություն, ապա առաջին հերթին, հենց Ալիևն ու իր ամբողջ դինաստիան կհայտնվեն ճաղերի հետևում, իսկ իրենց թալանած գումարները՝ կվերադարձվեն ժողովրդին»,- գրել է Հայրապետյանը։

Պատգամավորի կարծիքով՝ ահա այստեղ են թաքնված Բաքվի բռնապետի իրական վախերը,իսկ ժողովրդի կամքի ուժը թող ոչ ոք չթերագնահատի։

«Ալիևը պետք է հասկանա մեկընդմիշտ՝ ներքաղաքական հարցերում մեր դիրքորոշումների բոլոր հակասություններով հանդերձ՝ Արցախի հարցում մենք միասնական ենք, մեր ազատ ապրելու իրավունքն անբեկանելի է, իսկ մեզ բնաջնջելու ադրբեջանական «երազանքը»՝ անիրականանալի»,- գրել է Հայրապետյանը։

Հայերեն Русский

Հայաստանը Ղրղզստանին է հանձնել թմրամիջոց իրացնելու համար մեղադրվող անձին

Վարչապետը կոչ է արել համբերատար մոտենալ հայ-ադրբեջանական երկխոսության խնդիրներին

Նոյեմբերի 19-ի միջոցառումների անոնս

Քիշնևը բողոք է հայտնել Մոսկվային Մոլդովայի տարածքում ԱԹՍ-ների ընկնելու կապակցությամբ. Moldpres

Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը

Ռուսաստանը Հայաստանին է հանձնել սպանության և սպանության փորձի համար հետախուզվող անձին

Փաշինյանն անհրաժեշտ է համարում Ադրբեջանի հետ ընդհանուր գետերի օգտագործման կանոնների քննարկումը

Հայաստանի և Իրանի սահմանին երկու կողմերում նոր մաքսակետերի շինարարական աշխատանքները գրեթե ավարտական փուլում են. Խուդաթյան

Այս տարի 50 բժշկական կազմակերպություն 10.4 միլիարդ դրամով ավելի շատ հարկ է վճարել. Ավանեսյան

Ոչ մի բան չենք զիջել և չենք զիջելու․ Փաշինյանը՝ Հայաստան-Ադրբեջան կարգավորման գործընթացի մասին