368.52
Փոխվարչապետ Մհեր Գրիգորյանը Աշտարակում դիմակներ է բաժանել քաղաքացիներին
1 րոպեի ընթերցում
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ։ ՀՀ փոխվարչապետ Մհեր Գրիգորյանը, Արագածոտնի մարզպետԴավիթ Գևորգյանը և Աշտարակի քաղաքապետ Թովմաս Շահվերդյանը շրջել են մարզկենտրոն Աշտարակում։ «Արմենպրես»-ին այս մասին հայտնեցին Արագածոտնի մարզպետարանից։
ՀՀ փոխվարչապետը, Արագածոտնի մարզպետն ու Աշտարակի քաղաքապետը բազմաբնակարան շենքերի բակերում, խանութներում, պուրակներում, քաղաքային զբոսայգում, փողոցում անցորդներին դիմակներ են բաժանել և խնդրել անպայման կրել դրանք:
Շնորհակալություն հայտնելով դիմակ կրող քաղաքացիներին, չկրողներին բարեկամաբար խորհուրդ տալով դիմակ օգտագործել՝ առաջարկել են, որ նրանք իրենց հերթին խրախուսեն դիմակ կրելը և հորդորեն շրջապատին ևս կրել դիմակ:
Բաժանորդագրվեք մեր ալիքին Telegram-ում