ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Իսպանիայում հարգանքի տուրք կմատուցվի կորոնավիրուսի հետևանքով մահացածների հիշատակին: Պաշտոնական արարողությունը նախատեսված է հուլիսի 16-ին:
«Արմենպրես»-ի հաղորդմամբ, «ՌԻԱ Նովոստի»-ն տեղեկացնում է, որ այս մասին հայտնել է Իսպանիայի վարչապետ Պեդրո Սանչեսը:
«Հուլիսի 16-ին պետական մակարդակով կանցկացվի հիշատակի արարողություն՝ նվիրված կորոնավիրուսի հետևանքով մահացածներին՝ 27 հազար մեր հայրենակիցներին: Ի հիշատակ նաև նրանց, ովքեր պայքարել են համավարակի դեմ»,-ասել է Սանչեսը կոնգրեսում ունեցած իր ելույթի ժամանակ:
Պաշտոնական արարողությանը ներկա կգտնվենԻսպանիայի թագավոր Ֆելիպե VI-ը, Եվրոպական խորհրդի նախագահ Շառլ Միշելը, Եվրոպական հանձնաժողովի նախագահ Ուրսուլա ֆոն դեր Լեյենը, ԱՀԿ գլխավոր քարտուղար Թեդրոս Հեբրեյեսուսը և այլ պաշտոնյաներ:
Իսպանիան համավարակից ամենաշատը տուժած երկրներից է: Պաշտոնական տվյալներով այստեղ վարակի հետևանքով մահացել է 27 հազար մարդ: