Ձորագյուղում կառուցվում է աղբավայր

ԳԱՎԱՌ, 8 ՀՈՒՆԻՍԻ, ԱՐՄԵՆՊՐԵՍ: Գեղարքունիքի մարզի Ձորագյուղ համայնքում տեղական բյուջեի միջոցներով կառուցվում է նոր աղբավայր:

Ինչպես «Արմենպրես»-ին տեղեկացրեց Ձորագյուղ համայնքի ղեկավար Լեւիկ Գրիգորյանը, աղբավայրը կառուցվում է Ձորագյուղից 3 կիլոմետր հեռավորությամբ, արեւմտյան հատվածում՝ համաձայն բնակավայրի գլխավոր հատակագծի: Աղբավայրի կառուցման համար տեղական բյուջեի միջոցներից հատկացվել է 3 միլիոն դրամ: «Նախկինում համայնքի աղբը հավաքվում էր երեք տարբեր աղբավայրերում, որոնք այժմ մեր կողմից լիովին հողածածկված են: Նոր աղբավայրը ցանկապատվում է 150 գծամետր երկարությամբ: Փորվում է 2 մետր խորությամբ փոս՝ 1 500 քաեռակուսի մետր մակերեսով: Աղբավայրից հանված հողն օգտագործվում է դաշտամիջյան ճանապարհների հարթեցման նպատակով: Աղբավայրը շահագործման կհանձնվի այս տարվա հունիսի 20-ին»,-նշեց համայնքի ղեկավարը:

Խոսրով Խլղաթյան