1 րոպեի ընթերցում
ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ։ Աշխարհի մի քանի երկրում տարածված Կավասակիհիվանդության դեպքերը այս տարի չեն փոխվել. հանրապետությունում ևս կա 3 նման դեպք։
«Արմենպրես»-ի հաղորդմամբ՝ այս մասին ասաց ՀՀ առողջապահության նախարար Արսեն Թորոսյանը։
«Պանդեմիայի ֆոնին հատկապես Ֆրանսիայում, Նյու Յորքում և Իտալիայի հյուսիսային հատվածում Կավասակի սինդրոմի տարածվածության մասին մենք տեղյակ ենք և արդեն միջոցներ ենք ձեռնարկում, որպեսզի, մեզ մոտ նման դեպքեր արձանագրվելու պարագայում՝ իրականացվեն համապատասխան միջոցառումներ»,- նշեց Թորոսյանը։
Նրա խոսքով՝ Կավասակի հիվանդությունն ունի սիմպտոմատիկ բուժում, որի համար օգտագործվում է բավական թանկարժեք դեղորայք: Առողջապահությունը գնել է դրա պաշարները՝ համապատասխան մեր կանխատեսումներին։ Թորոսյանի պնդմամբ՝ այդպիսի դեպքեր ունենալու պարագայում Հայաստանն ապահովված է դեղորայքով:
«Գիտական հետազոտությունները և Նյու Յորքի, Ֆրանսիայի, ինչպես նաև Իտալիայի հյուսիսային հատվածի վիճակագրական տվյալները երեխաների նկատմամբ հավելյալ զգոնության պահանջ են դնում մեր առջև»,- նշեց ԱՆ նախարարը։
Լիլիթ Դեմուրյան