Արոնյանն անհաջող մեկնարկեց ՖԻԴԵ-ի «Ազգերի լիգա»-ի առցանց մրցաշարում

ԵՐԵՎԱՆ, 5 ՄԱՅԻՍԻ, ԱՐՄԵՆՊՐԵՍ: Հայկական շախմատի առաջատար Լևոն Արոնյանն անհաջող մեկնարկեց ՖԻԴԵ-ի«Ազգերի լիգա»-ի առցանց մրցաշարում:

«Արմենպրես»-ի հաղորդմամբ` առաջին անգամ անցկացվող մրցաշարում Եվրոպայի թիմում հանդես է գալիս Լևոն Արոնյանը: Մեկնարկային տուրում Եվրոպան մրցեց Ռուսաստանի թիմի հետ: Ընդհանուր պայքարն ավարտվեց 2:2 հաշվով: Արոնյանն առաջին տուրում մրցում էր սևերով և զիջեց Վլադիսլավ Արտյոմովին: Երկրորդ տուրում Եվրոպայի մրցակիցը Չինաստանն է (1:3 հօգուտ չինացիների): Արոնյանն այս տուրում կիսեց միավորը Յի Վայի հետ:

ՖԻԴԵ-ն առաջին անգամն է անցկացնում«Ազգերի լիգա»-ի առցանց այս մրցաշարը: Եվրոպայի թիմի կազմում հանդես են գալիս նաև Մաքսիմ Վաշիե-Լագրավը,Անիշ Գիրին և Աննա Մուզիչուկը:Թիմի ավագի կարգավիճակում կլինի աշխարհի նախկին չեմպիոն Գարի Կասպարովը: Մրցաշարին մասնակցում են ԱՄՆ-ի,Ռուսաստանի,Եվրոպայի,Չինաստանի,Հնդկաստանի և աշխարհի ընդհանուր թիմերը:Այն կեզրափակվի մարտի 10-ին:

Պատրաստեց Վարվառա Հայրապետյանը