Հայաստանն ավելի դժվար մարտահրավերների միջով է անցել, քան կորոնավիրուսի դեմ պայքարն է. Արին Կարապետ
3 րոպեի ընթերցում
![Հայաստանն ավելի դժվար մարտահրավերների միջով է անցել, քան կորոնավիրուսի դեմ պայքարն է. Արին Կարապետ](http://armenpress.am/resized/480/static/news/b/2020/04/1013358.jpg)
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Շվեդիայի խորհրդարանի պատգամավոր, հայ-շվեդական բարեկամական խմբի նախագահ Արին Կարապետը կարծում է, որ յուրաքանչյուր հայի առաքելությունն է հիշեցնել և պահանջել արդարությունը: Արին Կարապետն այս մասին ասաց Հայոց ցեղասպանության 105-րդ տարելիցի առթիով «Արմենպրես»-ին տված տեսաուղերձում:
Նա նախ հայերենով դիմեց Հայաստանի քաղաքացիներին, սփյուռքի հայրենակիցներին: «Ապրիլի 24-ին պլանավորել էինք գալ Երևան՝ ոգեկոչելու Հայոց ցեղասպանության անմեղ զոհերի հիշատակը»,-ասաց նա ու շարունակեց անգլերեն:
Պատգամավորը շեշտեց՝ յուրաքանչյուրի հայի առաքելությունն է փրկել, հիշեցնել և պահանջել արդարությունը: «Հենց հիմա Հայաստանը, ինչպես Շվեդիան և աշխարհի մնացած մասը, կորոնավիրուսի դեմ պայքարի մեջ են: Ահա թե ինչու, մենք չենք կարող այս տարի գալ Երևան՝ ոգեկոչելու Հայոց ցեղասպանության զոհերի հիշատակը: Բայց թույլ տվեք հիշեցնել, որ Հայաստանը շատ ավելի դժվար մարտահրավերների միջով է անցել, քան կորոնավիրուսի դեմ պայքարն է: Մենք վերապրել ենք 20-րդ դարի առաջին ցեղասպանությունը: 1,5 մլն հայեր դաժանորեն սպանվել են համակարգված ցեղասպանությամբ՝ Թուրքիայի կառավարության կողմից օսմանյան կայսրության ժամանակ: Թույլ տվեք հիշեցնել, որ մենք վերապրել ենք 1988-ի երկրաշարժը, թույլ տվեք նաև հիշեցնել, որ մենք վերապրել ենք աղքատությունը՝ մեր անկախությունից հետո: Բայց թույլ տվեք նաև հիշեցնել, որ հայերը՝ Հայաստանի քաղաքացիները սփյուռքի հետ մեծ փոփոխություն են արել 2018-ին Հայաստանի թավշյա հեղափոխության ընթացքում»,-ասաց նա:
Արին Կարապետը նաև նշեց՝ նրանցից մեկն է, որ այդ օրերին եղել է Երևանում և ժողովրդավարական հեղափոխության մի մասն է եղել: Նա վստահություն հայտնեց՝ կհաղթենք նաև կորոնավիրուսի դեմ պայքարում: «Եվ հուսով եմ, որ շուտով կտեսնենք միմյանց Հայաստանում հաջորդ տարի, կամ միգուցե ավելի վաղ: Մենք միասին կհաղթենք այս պատերազմում։ Նույն բանը մենք կանենք՝ մի օր պահանջելով արդարությունը Թուրքիայի կառավարությունից՝ ճանաչելու Հայոց ցեղասպանությունը»,-ասաց պատգամավորը:
Շվեդիայիխորհրդարանը2010թ.ճանաչել է Հայոցցեղասպանությունը ևկառավարությանըհորդորելհետևելիրօրինակին:Սակայն Շվեդիայիկառավարությունըդեռ պաշտոնապեսչիճանաչելՀայոցցեղասպանությունը:
Աննա Գրիգորյան