Կառավարությունն ընդլայնեց հակաճգնաժամային 8-րդ և 9-րդ միջոցառումների շահառուների շրջանակը
1 րոպեի ընթերցում
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: Կառավարությունն ընդլայնում է կորոնավիրուսի սոցիալական հետևանքների չեզոքացման 8-րդ և 9-րդ միջոցառումների շահառուների շրջանակը։
«Արմենպրես»-ի փոխանցմամբ, Աշխատանքի և սոցիալական հարցերի նախարար Զարուհի Բաթոյանը նշեց, որ ընտանիքը 9-րդ միջոցառման շահառու կհանդիսանա նաև այն դեպքում, երբ գրանցված աշխատանք ունեցող ծնողը 2020 թ. մարտի 12-ի դրությամբ գտնվել է մինչև 3 տարեկան երեխայի խնամքի արձակուրդում։
«8-րդ միջոցառման շահառու կհանդիսանան նաև հետևյալ ոլորտներում ներգրավված քաղաքացիները և անհատ ձեռնարկատերերը.ցամաքային տրանսպորտի գործունեություն (երթուղային տրանսպորտ), նախադպրոցական կրթություն (մասնավոր մանկապարտեզներ), սպորտի բնագավառում գործունեություն (սպորտային ակումբներ, լողավազաններ), զվարճությունների և հանգստի կազմակերպման այլ գործունեություն»,- ասաց նախարարը։