1 րոպեի ընթերցում
ԵՐԵՎԱՆ, 3 ԱՊՐԻԼԻ, ԱՐՄԵՆՊՐԵՍ: Շախմատի աշխարհի չեմպիոն Մագնուս Կարլսենը միջազգային առցանց մրցաշար կկազմակերպի:
«Արմենպրես»-ի հաղորդմամբ` առցանց մրցաշարին կմասնակցեն աշխարհի 8 լավագույն շախմատիստները: Սա կլինի պատմության մեջ առաջին նմանատիպ մրցաշարը: Այն կմենարկի ապրիլի 18-ին: Մրցաշարի մրցանակային ֆոնդը կազմում է 250 հազար դոլար:
Քանի որ Կարլսենը մրցացարին մասնակցության ձևաչափում ներառել է աշխարհի ամենաառաջնակարգ ութ շախմատիստներին, իսկ ՖԻԴԵ-ի դասակարգման աղյուսակում հայկական շախմատի առաջատար Լևոն Արոնյանը 7-րդն է, ստացվում է, որ Արոնյանի անունը ևս ներառված է անվանացանկում։ Սակայն հաշվի առնելով այն հանգամանքը, որ օրեր առաջ Արոնյանի կյանքում դժբախտություն էր տեղի ունեցել՝ մահացել էր նրա կինը, հայկական շախմատի առաջատարի մասնակցությունը դեռ պետք է հաստատվի։