Գերմանիան կարգելի փախստականների մուտքը երկիր. Deutsche Welle

ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Գերմանիայի ներքին գործերի նախարարի հրամանով փախստականներնընդգրկվել են օտարերկրացիների այն կատեգորիայում, որը հնարավորություն չի ունենա մուտք գործել երկիր:

«Արմենպրես»-ի հաղորդմամբ, «Deutsche Welle»-ն տեղեկացնում է, որ մինչ այդ փախստականներիհամար Գերմանիա մուտքն ազատ էր:

Մարտի 17-ին Գերմանիայի կանցլեր Անգելա Մերկելը հայտարարել էր 30 օրով ԵՄ-ի սահմանները փակելու մասին: Այս որոշման շուրջ համաձայնության էին եկել ԵՄ երկրները: ԵՄ կարող են գնալ միայն ԵՄ անդամ երկրների քաղաքացիները և նրանց ընտանիքի անդամները, Մեծ Բրիտանիայի, Իսլանդիայի, Լիխտեյնշտեյնի, Նորվեգիայի Շվեյցարիայի քաղաքացիները, ինչպես նաև ԵՄ-ում կեցության իրավունքունեցողանձինք: Գերմանիայի ներքին գործերի նախարարն այդ ժամանակ նշել էր, որ երրորդ երկրներից քաղաքացիների մուտքը դեպի ԵՄ տարածք կարող է լինել միայն անհետաձգելի դեպքերում:

Գերմանիայում կորոնավիրուսով վարակվածների թիվը 47 հազար 278 է, մահացածների թիվը՝ 281: Կորոնավիրուսն ի հայտ է եկել Ուհան քաղաքում նախորդ տարվա վերջին և այդ ժամանակից ի վեր տարածում է գտել աշխարհի 190-ից ավելի երկրներում: