Մատենադարանի թանգարանային մասնաշենքը փակ կլինի կորոնավիրուսի տարածումը կանխարգելելու պատճառով
1 րոպեի ընթերցում
ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Կորոնավիրուսի տարածման հավանականությունը նվազեցնելու նպատակով Երևանի Մեսրոպ Մաշտոցի անվան Մատենադարանի թանգարանային մասնաշենքը փակվելու է առնվազն մինչև մարտի 23-ը:
«Արմենպրես»-ի հաղորդմամբ՝ այս մասին տեղեկացնում է Մատենադարանի «Ֆեյսբուք»-ի պաշտոնական էջը:
«Կորոնավիրուսի տարածման հավանականությունը նվազեցնելու նպատակով ԿԳՄՍ նախարար Արայիկ Հարությունյանի որոշմանը հետևելով առնվազն մինչև մարտի 23-ը փակվելու է նաև Մաշտոցյան Մատենադարանի թանգարանային մասնաշենքը: Միաժամանակ շարունակելու է գործել գիտահետազոտական մասը՝ բացառությամբ ընթերցասրահի»,- նշված է հայտարարության մեջ: