1 րոպեի ընթերցում
ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ: ՀՀ Ազգային ժողովում շարունակվում են քառօրյա նիստի աշխատանքները: «Արմենպրես»-ի հաղորդմամբ՝ մարտի 5-ի օրակարգում ընդգրկված են մի շարք հարցեր:
Քվեարկության կդրվեն նախորդ օրը երկար քննարկված «Հայաստանի Հանրապետության դատական օրենսգիրք» սահմանադրական օրենքում փոփոխություններ եւ լրացումներ կատարելու մասին և կից ներկայացված օրենքների նախագծերի փաթեթը, ինչպես նաև Ապօրինի ծագում ունեցող գույքի բռնագանձման մասին և կից ներկայացված օրենքների նախագծերի փաթեթը:
Պատգամավորները կքննարկեն նաև«Հիմնադրամների մասին» օրենքում փոփոխություններ եւ լրացում կատարելու մասին և կից ներկայացված օրենքների նախագծերի փաթեթը և մի քանի միջազգային համաձայնագրեր վավերացնելու մասին հարցերը: