Հայկ Մարտիրոսյանը պարտություն կրեց  

ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Հայաստանը ներկայացնող շախմատիստները շարունակում են ելույթները Մոսկվայում ընթացող Aerflot open 2020 մրցաշարում:

«Արմենպրես»-ի հաղորդմամբ` մրցաշարի A ենթախմբում իրենց պարտիաները ոչ-ոքի ավարտեցին Մանուէլ Պետրոսյանը, Գաբրիել Սարգսյանը, Շանթ Սարգսյանը, իսկ Հայկ Մարտիրոսյանը պարտություն կրեց: Այժմ Մանուէլ Պետրոսյանն ունի 4,5 միավոր և առաջատարին զիջում է կես միավորով:

B խմբի 6-րդ տուրում հաղթանակ տոնեց միայն Հովիկ Հայրապետյանը: Միավորը կիսեցին Տիգրան Հարությունյանը, Աննա Սարգսյանը, Էլինա Դանիելյանը և Լիլիթ Մկրտչյանը: Տիգրան Հարությունյանը և Հովիկ Հայրապետյանը 5-ական միավորով առաջատարներից են:

Aeroflot Open 2020-ը կեզրափակվի փետրվարի 27-ին: Մոսկվայում ընթացող մրցաշարի հիմնական խմբում ընդգրկվել է 74 շախմատիստ: Այն անցկացվում է շվեյցարական մրցակարգով` 9 տուրով: Մրցաշարի մրցանակային ֆոնդը կազմում է 140 հազար եվրո: