Ժամանակը Երևանում՝ 11:07:36,   28 Փետրվար

Սփյուռքահայերը Հայաստանում արտոնությամբ բացել են տեխնոլոգիական ոլորտի շուրջ 45 ընկերություն

Սփյուռքահայերը Հայաստանում արտոնությամբ բացել են տեխնոլոգիական ոլորտի 
շուրջ 45 ընկերություն

ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ բարձր տեխնոլոգիական արդյունաբերության նախարար Հակոբ Արշակյանը Հայաստանում տաղանդի ներհոսք է նկատում, 2019-ին տեխնոլոգիական ոլորտի սկսնակ ընկերությունների համար տրվող արտոնություններով շուրջ 45 ընկերություններ բացվել են սփյուռքահայերի կողմից: «Արմենպրես»-ի հաղորդմամբ՝ Արշակյանն այս մասին հայտնեց իր տարեկան ասուլիսում:

«Այս տարի տեխնոլոգիական ոլորտի շուրջ 230 նորաստեղծ ընկերություններ դիմել են հարկային արտոնություններ ստանալու համար: Ընդհանուր առմամբ, իրենց ներկայացրած թվերով շուրջ 1200 նոր աշխատատեղ են ստեղծել: Մենք ունենք սփյուռքից դիմած անհատների և ընկերությունների մեծ թիվ՝ դիմածների շուրջ 15-20 տոկոսը: Շուրջ 45 ընկերություն բացվել է սփյուռքահայերի կողմից: Սա նշանակում է, որ տաղանդի ներհոսք ունենք»,-ասաց Արշակյանն ու դա համարեց շատ լավ նորություն:

Հարկային արտոնություն ստանալու ծրագրով դիմել են Ֆրանսիայից, ԱՄՆ-ից, Ռուսաստանից, Հոլանդիայից, Ավրստալիայից, Վրաստանից, Շվեյցարիայից, Իրանից, Գերմանիայից, Նիդերլանդներից, Միացյալ Թագավորությունից: Դիմող ընկերությունները գործունեություն են ծավալում տարբեր ուղղություններով՝ ծրագրային ապահովման, էլեկտրոնիկայի, միկրոէլեկտրոնիկայի, արհեստական բանականության և այլն:

Հայաստանում բացվել են նաև միջազգային ընկերությունների նոր գրասենյակներ:

ՏՏ ոլորտի պետական աջակցության մասին ՀՀ օրենքն ուժի մեջ է մտել 2015 թ., որի արդյունքում ՏՏ ոլորտում նոր ստեղծվող տնտեսավարող սուբյեկտներին տրամադրվում են հարկային արտոնություններ: 2019-ի ապրիլին ԱԺ-ն ընդունել է օրենք, որով  նորաստեղծ ընկերությունների համար հնարավորություն է ստեղծվում հարկային արտոնություններից օգտվելու ժամկետը երկարացնել մինչ 2022թ. դեկտեմբերի 31-ը ներառյալ:





https://zen.yandex.ru/id/5dee07a31e8e3f00ae3051c1
Tokyo 2020
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ