«Եվրանեսթ» ԽՎ հանձնաժողովների նիստերը 2020-ին կանցկացվեն Հայաստանում
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Արեւելյան գործընկերության «Եվրանեսթ» խորհրդարանական վեհաժողովի հանձնաժողովների նիստերը 2020-ին կանցկացվեն Հայաստանում:
«Արմենպրես»-ի հաղորդմամբ՝ այս մասին ՀՀ ազգային ժողովում տեղի ունեցած մամուլի ասուլիսում հայտնեց հայկական պատվիրակության ղեկավար Գայանե Աբրահամյանը՝ ամփոփելով Թբիլիսիում կայացած նստաշրջանը:
«Հաջորդ տարի «Եվրանեսթ»-ի հանձնաժողովների նիստերը անցկացվելու են Հայաստանում: Սա, կարծում եմ, որ իսկապես շատ կարևոր է, որովհետև 2015-ից ի վեր Հայաստանը չի հյուրընկալել «Եվրանեսթ»-ի ընդհանուր հարթակը ներկայացնող Արևելյան գործընկերության և Եվրախորհրդի պատգամավորների»,-ասաց պատգամավորը:
Աբրահամյանը սա շատ լավ հնարավորություն համարեց՝ տեղում ծանոթանալու Հայաստանում տեղի ունեցած փոփոխություններին:
Բաժանորդագրվեք մեր ալիքին Telegram-ում