Ժամանակը Երևանում՝ 11:07:36,   31 Մայիս

Չինաստանից Հայաստան այցելած քաղաքացիների թիվն աճել է 6050-ով

Չինաստանից Հայաստան այցելած քաղաքացիների թիվն աճել է 6050-ով

ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Չինաստանից Հայաստան այցելած քաղաքացիների թիվը 2019 թ. հունվար-հոկտեմբեր ամիսներին, նախորդ տարվա նույն ժամանակահատվածի համեմատ աճել է 6050-ով:

«Արմենպրես»-ի փոխանցմամբ՝ այս մասին նոյեմբերի 25-ին ՀՀ Ազգային ժողովի արտաքին հարաբերությունների մշտական հանձնաժողովի նիստի ընթացքում ասաց Արտաքին գործերի նախարարի տեղակալ Ավետ Ադոնցը:

«2018 թ. հունվար-հոկտեմբեր ժամանակահատվածում Չինաստանից Հայաստան են այցելել 8430 քաղաքացի, իսկ Հայաստանից Չինաստան մեկնել 8450-ը: 2019 թ. դինամիկան աչքի է ընկնում բավական բարձր տեմպերով: 2019 թ. հունվար-հոկտեմբերին Հայաստան են այցելել մոտ 14 500 Չինաստանի քաղաքացիներ: Սա այն պայմաններում, երբ, այնուամենայնիվ, գոյություն ունի մինչ այսօր վիզային ռեժիմ: Տուրիզմի առումով բավական հետաքրքիր դինամիկա ունենք Չինաստանի հետ»,- ասաց Ադոնցը:

ՀՀ Ազգային ժողովի արտաքին հարաբերությունների մշտական հանձնաժողովը նոյեմբերի 25-ի նիստում դրական եզրակացություն տվեց «Հայաստանի Հանրապետության կառավարության և Չինաստանի Ժողովրդական Հանրապետության կառավարության միջև սովորական անձնագրեր կրող անձանց համար մուտքի արտոնագրի պահանջի փոխադարձաբար վերացման մասին» համաձայնագիրը վավերացնելու մասին հարցին:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ